آن مسلمانان که میری کرده اند در شهنشاهی فقیری کرده اند

شُکرمَنابازَنْـت گـۏنْ ربّا هالِکْ کــَـوْن مکان

نامی رحمن و رحیمِـنْـتّ کارْ سازِمِهْربان

من عجب حیران گــَردان شـَه حُـداهی کُـدْرَتان

که اَوْرْ یایَـنْـتّ شــَه سَماواتْ اَوْرْ گــُـوارَنْـت جَمـّـَـران

مَئ حُدا پاکڃـن هـَـمایَت که دشمنانی دات شکست

کاپــِرڃن فرعون و هامان ؛ جاهلڃن نمرودِ مست

پَه کُـدْرَتان بُرْز و بلندِنـْت پَه کُلّ شئ هر چه هست

رهنما رحم بکن تو کردگار سازندگڃن

تو حُداوندِ کریمِ ما گــُـلام وبنـْدَیـــِـن

جُرم و عصیان بازڃن کُرْتــَه نزد تو شرمندیــِـن

مَـئ مَدَت در رۏچ حَشـْـرا مصطفی دُر دانَــیـِـڃـن

ما په نام مصطفـا وا عاشق دڃـوانَهـِـن

چارَتـِنـْت یار در هَما رۏچ مؤمن و مردانـَگڃن

اوّلا صدّیق اکبر مۏمِنانی تاج سَـر

پَه مَکه جَنگ و بساتا شُت رسولـَئ یار غار

گۏن عمر انصاف عَدلَـت بر خلافت تــَـیار

نزد شهرا شـُتْ پیادَگ وَتْ،گـُلامی کــُـرْت سوار

شڃر شـَه تُرْسا بـِلـَرْزَگاوَتْ،وابْ نَهَت کــَوْما مـَـزار

هُشتِـر ساربان پَلنگــَت گـُرْک و پَـس هۏر و هَـوارْ

اجنبی مرد و جنڃـنی هـَنـْچّـِـتـِـنـْت بــِراس و گــُهار

هر که شـَرْیَــتـا خلاف کــَـنْـتّ من کــَـنانی سِنگْ سار

حضرت عثمان جهانا کُرْت سخاوت بــڃ شمار

نڃستـَـت آ وَکــْـتا گــَـریب و دِرتــَه پُـچّـڃـن بَزَّهْکار

شه مُلکِ دَه یَکّ و زکاتا سڃرتـِنـْتّ مِسکین و خوار

چهارمی شڃر هُدایَت آن علیِّ نامْـدار

دشمنانی بیم و تُرسَت عادلڃـن دُل دُل سوار

دایماً بـِدان کِه تڃگ و زَهر سۏزڃن سَگار

هر چهار کونْــڌ فَلک شُت حیدری زَهْمَئ تــَوار

قُطب تانْ قُطب،مغرب تان مشرق پَـش نَکــَـپْـتّ چـُـنــْـڌِڃ ڌگار

عثمان شهنوازی

ادامه نوشته

شعر:بلوچ

من پَـرْ بلوچستانْ گــُـلِڃن

نالان چۏ مُـرْگِڃ بلبلڃن

اَرْسُن مان چمَّـنْـتّ گــُـلگــُـلڃن

 گـُـوارَگــَـنْـتّ چۏ تـُـرۏنْگــَلان

هَـنْچـۏ که بلبل پَرْ گـُلا

عاشِکْ پَـر آ  گلڃن شَکّلا

ناچی پَه سَوْت و زَیْمُلا

من پَرْ گِـیابِڃن مَکــُّران

بلبل گلئ عِشْکا زَریتّ

مجنون په لیلی تـَـلـْـوَسـیتّ

سَـسیّ پَه پُنّوها مِریتّ

من هَـنْ پَه لاشارَیْحْ  دَران

هَـنـْچۏ مرید پَرْ هانُکا

عزّتْ پَه ماهڃن مَیْـرُکا

شهدادْ پَه نازڃن مَهْـنـُکا

من هَـنْ پَه کِڃچَئ آپْسَران

عاشکْ بـِبـیـتـُّن یَکـْـبَرا

شیرینـَئ نازَهْکِڃن سَرا

من هـَنْ پَه سربازَئ شَمان

ایّـوب ایّـوبی

ادامه نوشته